БНХАУ-ын Гуижоу мужын Бижиэ хотоос гаралтай нэгэн хос гэрлээд 4 жил болсон ба энэ хугацаанд огт жирэмслээгүй тул мэргэжлийн эмчид хандхаар шийджээ. Эмэгтэй: "Бэлгийн ажил хийхэд маш их өвдөлт өгдөг" гэж эмчид хэлсэн байна. Хосууд залуухан бөгөөд нөхөр нь 26 настай бол эхнэр нь 24 настай аж. Тэд энэхүү асуудлаасаа болоод хоорондоо үргэлж ам муруйх болсон байна. Гэвч эмч эхнэрт нь үзлэг хийсний дараа үнэхээр итгэмээргүй хариу гарчээ. Эмч хэлэхдээ эхнэр нь онгон байсан бөгөөд харин энэ хугацаанд хосууд анал секс хийж байсныг нь тогтоожээ. Гуаяан хэвлэлийн агентлагын мэдээлснээр Эмч залуу хосуудад бэлгийн боловсролын талаархи гарын авлага өгч хэдэн сарын турш хэрхэн жирэмсэн болох талаар зөвлөгөө өгсөн гэнэ. Харин хэдхэн сарын дараа эмэгтэй жирэмсэн болж хосууд эмчид баярласнаа илэрхийлж амьд тахиа, 100 ширхэг өндөг бэлэглэжээ.
Эмч: Энэ бол маш ховор тохиолдол гэж онцолсон байна. Гэвч БНХАУ-д сүүлийн жилүүдэд иргэдэд сексийн боловсролыг олгох талаар өргөн хүрээнд авч үзэж байгаа бөгөөд ялангуяа өсвөр насны хүүхдүүдэд секс маш том асуудал болоод байна. Энэ жилийн 5 сард Бээжин хотын багшийн их сургуулийн оюутнууд засгийн газраас залуучуудад бэлгийн боловсрол олгохыг шаардаж жагсаал хийсэн юм. Жагсагчид "Насанд хүрэгчдийн кино нь сексийн боловсрол болж чадахгүй, Их дээд сургуулиуд сексийн боловсролд за гэж хэлэх хэрэгтэй, Бид эрүүл аюулгүй сексийн амьдрал хүсч байна" гэсэн уриа самбар барьж эсэргүүцсэн юм.
.jpg)
2015 онд БНХАУ-ын ХДХВ/ДОХ-той тэмцэх төв зөвхөн БНХАУ-ын эх газарт ДОХ-ын халдвар авсан хүний тоо 115,000-р нэмэгдсэн, үүний 14,7 хувь нь 15-24 насны залуучууд байгааг онцолсон байна. Тэгвэл Цинхуа их сургууль бэлгийн боловсролын анги нээсэн бөгөөд үүнд эрүүл аюулгүй секс, бэлгэвч хэрхэн хэрэглэх талаар зааж эхэлсэн байна.
Эх сурвалж: BBC, Guiyang evening news,
