2021 онтой золголоо. Та бүгддээ Хятадын нийслэл Бээжин хотоос шинэ оны мэнд дэвшүүлье. 2020 он бол бусад онтой адилгүй байлаа. Коронавирус, цар тахал гэнэт дэгдсэн. Бид хүний амийг нэн тэргүүнд тавьж, цар тахалтай тэмцсэн. Энэ өдрүүдэд бэрхшээлийг хамтдаа туулж, ядарч туйлдсан ч цар тахал өвчнийг нийгмээрээ сөрөн зогссон.
Эмч, эмнэлгийн ажилтнуудаас өгсүүлээд, цэрэг арми, олон нийтийн зүтгэлтнүүд, сайн дурынхан бүгд хүчээ нэгтгэж, чин сэтгэлээсээ бусдын амь насыг хамгаалах үйлсэд зүтгэсэн.
Агуу бүхэн энгийнээс эхлэлтэй аж. Энгийн ард иргэд баатарлагаар тэмцсэн. Тэр эгэл баатрууддаа талархал илэрхийлье. Бид цар тахлыг ялан дийлсэн. Бид ард иргэдэд цар тахлаас урьдчилан сэргийлэх, хамгаалахаас гадна улсынхаа нийгэм, эдийн засгийг ч зэрэгцүүлэн хөгжүүлж чадсан.
Хятад улс 13 дугаар 5 жилийн төлөвлөгөөгөө амжилттай хэрэгжүүлж, улмаар 14 дэх таван жилийнхээ төлөвлөгөөг баталсан. Хятад улс ард иргэдийнхээ амьдралын хөгжлийг улам чанаржуулсан. Хятад улсын эдийн засаг өсөн дээшилж, 2020 онд Хятадын дотоодын нийт бүтээгдэхүүн анх удаагаа 100 триллион юаныг давах төлөвтэй байна.
Манай улс сүүлийн 17 жил дараалан өндөр ургац хураалаа. Шинжлэх ухаан, технологид ахиц гарлаа. Тианвен-1 буюу Марс гарагт бууж, Чанг-5 буюу Саранд хөөрч, Финдоуз буюу далайн гүн дэх судалгаа эрчимжиж, Хайнань хотын Худалдааны Чөлөөт боомтыг ашиглалтанд орууллаа.
Хэд хэдэн удаагийн хүчтэй үер усны гамшгийг ч даван туулж, нурсан хот орноо сэргээн бүтээн байгуулалтаа хийж, хэвийн байдалд орууллаа. Миний бие улсынхаа 13 аймгаар биечлэн томилолтоор ажиллаж, ард иргэдтэйгээ уулзаж, асуудлыг газар дээр нь шийдэж, дэвшилтэт технологийг хөгжүүлэх, үр бүтээмжийг дээшлүүлэх талаар дорвитой арга хэмжээ авлаа.
Хятад улс 2020 онд орчин цагийн хөгжил бүхий нийгмийг цогцлоон байгуулж, үр дүнд нь ядуурлыг бодитойгоор буурууллаа. Хөдөө орон нутагт ч ядуурлыг бууруулах зорилгоор тусгай хөтөлбөр хэрэгжүүллээ.
Сүүлийн 8 жилд, ядуурлыг бууруулах талаар тасралтгүй арга хэмжээг Хятадын нам, төрөөс авсны хүчинд ядуу амьдралтай хөдөөгийн 100 сая ядуу хүмүүсийн амьдралыг дээшлүүллээ. Энэ он жилүүдэд миний бие хүнд амьдралтай 14 газар нутагт зочилсон. Тэндхийн ядуу амьдрал, ядуу амьдралтай хүмүүс миний нүдэнд киноны хальс мэт дахин дахин үзэгдэж, сэтгэл зовоож байсан. Бид хөл дээрээ суурьтай зогсож, гараа хөдөлгөж, сэтгэлээ чангалж, уйгагүй хөдөлмөрлөж байж ядуурлыг даван туулна. Тэгэж байж бид ирээдүйгээ гэрэлтэй, саруулхан, хөгжилтэй, өөдрөг болгоно. Энэ онд та бид худалдааны чөлөөт бүс Шенжэн хотын 40 жил, Шанхай хотод орчин цагийн Пудонг дүүргийг нээсний 30 жилийн ойг тэмдэглэсэн.