Дэмбэрэл МАН-ын зүтгэлтэн. ПИАР-чин. Намын ерөнхий нарийн бичгийн дарга Амарбаясгалангийн зөвлөхөөр ажиллаж байсан. Намаас холдсон, бие даасан үе түүнд байхгүй. Залуугаасаа л энэ намыг бараадсан нь түүний буруу биш байх. Ч.Улаан гишүүнийг гүтгэсэн хэргээр Шүүхээс ял сонсож, биеэр эдэлсэн. Дээд шүүхээр цагаадсан гэдэг ч, цагаадсан тогтоолоо үзүүлж харуулсныг санахгүй байна. Үндэсний Зөвлөл ч тэр цагаадсан тогтоолыг түүнээс ярилцлага авахдаа лавлалгүйгээр МҮОНРТ-ийн ерөнхий захирлаар томилсон. Энэ байгууллагыг оны өмнө эзэнтэй болгохгүй бол цалин мөнгөө ч тавьж чадахгүйд хүрээд байна гэж тайлбарласан.
Тэр мэдээж МҮОНРТ-ийг олон нийтийн эрх ашигт нийцүүлэн хөгжүүлнэ гэдэгт би хувьдаа итгээгүй. Тиймээс ч "МҮОНРТ-ийн толгойд намын малгай тохлоо" гэж Control.mn сайтад мэдээ бичиж байсан. Тэгвэл намын малгайг тайлах цаг болжээ. Тэр МҮОНРТ-ийн хууль болсон нэвтрүүлгийн программыг дураар зөрчжээ. Телевизэд программын алдаа гаргасан уран бүтээлчидтэй хатуу хариуцлага тооцдог. Олон ч чадварлаг уран бүтээлчид албан тушаал бууж, ажлаасаа ч халагдаж байсан. Тиймээс хууль зөрчсөн Дэмбэрэлээс салах нь маш зөв. Түүний оронд хэн ч ирсэн, түүнээс хэдэн хувь илүү байх болно.