Цаазын ялыг АНУ сэргээж эхэллээ. Шударга ёсыг тогтоохын тулд цаазын ялыг сэргээх зайлшгүй шаардлага үүссэн гэж АНУ-ын Дээд Шүүх үзлээ. Анх удаа, сүүлийн 70 жилийн түүхэнд цаазаар авах ялыг Лиза Монтгомери гэх эмэгтэйд оноож, Монгол Улсын анхны ардчилсан Үндсэн хуулийг баталсан өдөр гүйцэтгэсэн байна. Энэ эмэгтэй нь одоогоос 17 жилийн өмнө, 2004 онд жирэмсэн эмэгтэйг хэрцгийгээр хутгалан амь насыг нь зэрлэгээр хөнөөсөн тухай Нью Йорк Таймс сонин дурслаа. Түүний цаазын тогтоолыг 2020 оны 12 дугаар сарын 08-ны өдөр гүйцэтгэх байсан ч, ялтны сэтгэл зүйн байдлыг харгалзан Шүүх өмнөх тогтоолыг хойшлуулсан аж. Ялыг энэ сарын 13-ны шөнө Индиана Мужийн Терре-Хот шоронд гүйцэтгэж, энэ тухай мэдээллийг олон нийтэд цацсанаар эмэгтэй хүнд ч Шүүх өршөөлгүй хандана гэдгээ илэрхийллээ.
АНУ-ын Дээд Шүүх 2020 оны долдугаар сараас эхлэн цаазын ялыг Холбооны түвшинд сэргээсэн. 47 настай Даниель Льюис Лиг цаазаар авснаар 17 жилийн дараа цаазын ялыг мөрдөж эхэлсэн гэж Нью Йорк Таймс сонин онцоллоо. Лиза Монтгомериг тооцвол сүүлийн 7 сард 11 гэмт хэрэгтэнг цаазаар аваад байгаа аж. Лиза Монтгомери нь сүүлийн 70 жилд цаазын ял сонссон анхны америк эмэгтэй гэдгээрээ Америкийн түүхэнд хараар бичигдлээ.
Э.ОТГОНЖАРГАЛ