Ерөнхий сайд болох амбицаа дарж чадахгүй УИХ, Засгийн Газрын гишүүн Оюун-Эрдэнэ, Саранчимэг нарын цөөнгүй гишүүд буй аж. Тэд Удирдах Зөвлөлдөө нөлөөтэй улс төрчид. Гэхдээ тэднээр Засгийн Газрыг удирдуулж, улс орныг самруулж болохгүй гэж журмын нөхөд нь болгоомжилж буй аж. Намын ерөнхий нарийн бичгийн дарга Амарбаясгалангийн нэр дуулдаж буй ч түүнд Хүрэлсүхийн зангараг дутна. Занданшатар чадахгүй. Харин ганцхан л хүн тодорч байна. Тэр бол бүх фракцын хүсэл сонирхлын нэгдэл болсон одоогийн сангийн сайд Хүрэлбаатар . Өнөөг хүртэл Засгийн газрын тэргүүн гэж Хүрэлсүхийг нэрлэж байсан ч, нидэр дээрээ улс орны эдийн засгийн гол шийдвэрийг Хүрэлбаатар гаргаж, улс орныг тэр удирдаж байсан гэж үздэг улс төр судлаачид цөөнгүй. Тэгэхээр Монгол улсын 32 дахь ерөнхий сайд Монгол улсын баруун хязгаар Увс аймгаас сонгогдсон Хүрэлбаатар байх өндөр магадлалтай болжээ. Түүнийг МАН доторхи улс төрийн бүх фракц дэмжинэ. Дээр нь ОУВС, Рио Тинто ч тааламжтай хандана гэж учир мэдэх хүмүүс хэлж байна. Өнөөдөр МАН-ын Удирдах Зөвлөлөөс ерөнхий сайдын нэрээ дэвшүүлж, Бага хуралд оруулна. Түүнийг нь УИХ батална. Гэхдээ МАН-ын Удирдах Зөвлөлийн шийдвэр эцсийн шийдвэр байх болно. УИХ бол МАН-ын Бага хурлын доод бүтцийн байгууллага шиг болсон.
Ц.ЭНХБАТ