Монголын урлагт өөрийн өнгө төрх, донжийг тогтоосон, лимбийг арван хуруу шигээ мэдэх, төгс эзэмшсэн, олноо " тоодгор" хэмээн алдаршсан Д Галсантогтох лимбэчин тэнгэрт лимбэ аялгуулах томилолтоор дэвшлээ. Тэртээ 1980-аад онд Москва хотноо хотноо зохиогдсон Дэлхийн залуучууд оюутны урлагийн Их наадамд " цоорч" алтан медаль хүртсэн тэр цагаас Галсантогтох урлагийнхны хараанд өртсөн. Тэрбээ Монголын Зохиолчдын Хорооны "Үлгэрийн далай" чуулгын жүжигчин- лимбэчнээр урлагийн карьераа амжилттай үргэлжлүүлж, Монгол улсынхаа 21 аймаг, 330 сумаар аялан тоглолт хийж, ард иргэддээ соёлын үрийг тарилцсан уран бүтээлчийн нэг юм. Түүний бие нь жижиг учир " тоодгор" гэж хочилдог байсан бэлчир нь том байсныг үнэлж Монгол улсын гавьяат жүжигчин цол олгосон. Лимбийг тэр амилуулж чаддаг байсан нь түүний авьяас чадвар. Монгол ардын дуунаас гадна алдарт Эл Кондор Пасаг ч тэр гайхамшигтай эгшиглүүлсэн. Тэрбээр хорвоогийн мөнх бусыг үзүүлж, тэнгэрт хальсан байна. Түүний гэр бүл, ах дүү, төрөл төрөгсөд, шүтэн бишрэгчдэд нь гүн эмгэнэл илэрхийлье.
