У.Хүрэлсүхийн тэргүүлсэн Засгийн газар 14 яамтай, Засгийн газрын хэрэг эрхлэх газар, Шадар сайд гээд нийтдээ 16 сайдтай байсан бол Л.Оюун-Эрдэнийн тэргүүлэх Засгийн газар Эдийн засаг хөгжлийн яам, Цахим хөгжлийн яамыг нэмж байгуулан 16 яам, Засгийн газрын хэрэг эрхлэх газар, Шадар сайд гээд 18 сайдтай ажиллахаар болжээ. МАН-ын Удирдах Зөвлөл энэ бүтцийг нь дэмжив. Яг одоо МАН-ын Удирдах зөвлөл сайд нарынхаа нэрийг хэлэлцэж байна. Удирдах зөвлөлөөс одоогийн байдлаар дорхи хүмүүсийг Засгийн газрын кабинетад ажиллуулахаар нэр дэвшүүлжээ.
А.Амарсайхан- Шадар сайд
Ц.Нямдорж - ЗГХЭГ-ын дарга
Н.Уртнасан - Байгаль орчин, аялал жуулчлалын сайд
Б.Мөнхбаатар- Барилга, хот байгуулалтын сайд
Г.Сайханбаяр- Батлан хамгаалахын сайд
Л.Энх-Амгалан- Боловсрол, шинжлэх ухааны сайд
Б.Батцэцэг- Гадаад харилцааны сайд
Л.Халтар- Зам, тээврийн хөгжлийн сайд
Б.Жавхлан - Сангийн сайд
Ч.Номин- Соёлын сайд
Г.Ёндон- Уул уурхай, хүнд үйлдвэрийн сайд
А.Ариунзаяа- Хөдөлмөр, нийгмийн хамгааллын сайд
Х.Нямбаатар- Хууль зүй, дотоод хэргийн сайд
З.Мэндсайхан- Хүнс, хөдөө аж ахуй, хөнгөн үйлдвэрийн сайд
С.Энхболд- Эрүүл мэндийн сайд
Н.Тавинбэх- Эрчим хүчний сайд
МАН-ын Удирдах Зөвлөлөөс Хүрэлбаатар, Сарангэрэл нарыг энэ удаа кабинетын гишүүнээс чөлөөлжээ. Өнөөдөр 17.00 цаг гэхэд кабинетын гишүүд бүрдэж, шинэ засгийн газар ажилдаа орно. Энэ засгийн газрын хамгийн эхний даалгавар бол Рио -Тинтой компанитай заргаа үргэлжлүүлж Нью- Йоркийн шүүхээс татсан нэхэмжлэхээ сэргээх алхам гэж control.mn сайт харж байна.
