Хөвсгөл аймгийн Ханх сумын нутагт газар хөдлөлт бүртгэгдсээр байна. Энэ сарын 3-нд таван удаа, өнөө өглөө нэг удаа хөдөлжээ.
Тодруулбал Хөвсгөл аймгийн Ханх сумын Хороо багийн Адуут гэдэг газар буюу Хөвсгөл нууранд 2 дугаар сарын 3-ны 12:20 цагт 4.7 магнитуд, 13:54 цагт 4.1 магнитудын хүчтэй газар хөдлөлт болж тус сумын төв болон Хороо багийн иргэдэд хүчтэй чичирхийлэл мэдрэгдсэн байна.
Мөн тус газарт 2 дугаар сарын 3-ны 14:14 цагт 3.6 магнитуд, 15:14 цагт 4.7 магнитуд, 15:50 цагт 3.7 магнитудын хүчтэй газар хөдлөлт болжээ. Энэ сарын 4-ний өдрийн 02:06 цагт 3.5 магнитудын хүчтэй газар хөдлөлт болж, Хороо багийн иргэдэд бага зэрэг чичирхийлэл мэдрэгдсэн боловч ямар нэгэн хохирол учраагүй байна.
Эх сурвалж: МОНЦАМЭ