НҮБ-ЫН ТЭРГҮҮН МЬЯНМАРТ БОЛСОН ЯВДЛЫГ ЗЭМЛЭН БУРУУШААВ

2021-03-01  

Мьянмарт жагсагчдын эсрэг хүч хэрэглэснийг НҮБ-ын Ерөнхий нарийн бичгийн дарга Антониу Гутерреш зэмлэн буруушаажээ.

"Тайван жагсаал хийсэн иргэдийн эсрэг хүч хэрэглэж, баривчлахыг хүлээн зөвшөөршгүй юм" гэж А.Гутеррешийн ням гарагт гаргасан мэдэгдэлд цохон тэмдэглэв.

Мөн НҮБ-ын тэргүүн Мьянмарын ард түмний сонгуулиараа дамжуулан илэрхийлсэн хүсэл зоригийг хүндэтгэж, жагсаал цуглааныг нухчин дарахаа зогсоох нэгдсэн шаардлагыг цэргийнхэнд тавихыг олон улсад уриалжээ. 

НҮБ-ын Хүний эрхийн асуудал хариуцсан дээд комиссарын газраас ням гарагт мэдээлснээр, Мьянмарт жагсаалын үеэр 18 хүн амиа алдаж, 30 гаруй хүн гэмтсэн байна. 

 

Эх сурвалж: НЬЮ-ЙОРК. /DW/

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
Шинэ мэдээ
Санал асуулга
ХӨЛ ХОРИОГ ДАХИН 5 ХОНОГ СУНГАХ НЬ ЗӨВ ҮҮ?