"STARSHIP" ХӨЛИЙН ТУРШИЛТЫН ЗАГВАР ГАЗАРДСАНЫХАА ДАРАА ДЭЛБЭРЧЭЭ

2021-03-04  

 “SpaceX” компани Ангараг руу  нисэх зориулалттай “Starship” сансрын хөлгийнхөө туршилтын загварыг босоо байдлаар газардуулж чадсан боловч хэдэн минутын дараа дэлбэрчээ. Лхагва гарагт явуулсан туршилтыг “YouTube”-ээр шууд дамжуулсан байна.

“Starship SN10” хөлгийг АНУ-ын Зүүн эргийн цагаар 18 цаг 15 минутад Техас муж улсын Бока Чика хот дахь сансрын буудлаас хөөргөжээ. Хөлөг дөрөв орчим минутын дотор 10 км-ийн өндөрт хөөрч, дараа нь хөөргөх цогцолборын хажууд байрлах талбайд буусан байна. Туршилт зургаан минут 29 секунд үргэлжилжээ. 

Шууд дамжуулалтыг хөтлөгч Жон Инспракер "Starship"-ийг "амжилттай газардуулж чадсаныг" онцолсон байна. Түүний хэлснээр, энэ удаагийн туршилтын гол зорилго нь хөлгийг доошлох үед "хөлгийн хяналтын талаарх мэдээллийг цуглуулах" байжээ. "Бид үүнийг амжилттай хийлээ" гэж "SpaceX"-ийн төлөөлөгч хэлсэн байна. 

2020 оны 12 дугаар сард болон энэ оны хоёрдугаар сард явуулсан хоёр ийм туршилтын үеэр “Starship” хөлгийн туршилтын загварууд газардахдаа дэлбэрсэн юм.

 

Эх сурвалж: МОНЦАМЭ

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
Шинэ мэдээ
Санал асуулга
ХӨЛ ХОРИОГ ДАХИН 5 ХОНОГ СУНГАХ НЬ ЗӨВ ҮҮ?