Энэ хүнийг Монголын ард түмэн эрхлүүлсэн. Хүндэлсэн. Дээдэлсэн. Тэр харин даварчээ. Түүний мөн чанар нь, жинхэнэ авир зан нь ил гарч эхэллээ. Тэр бол бүдүүлэг, зэрлэг, балмад нэгэн байжээ. Эхнэрээ ч балбана. Найз нараа ч зодож бэртээнэ. Хамгийн сүүлд нутгийн анд, жудо, үндэсний бөхийн начин, өөрийг нь гэмтэлтэй үед тэргэн дээр түрж асарч тусалж байсан Энхбатыгаа хэмхэрсэн зодлоо. Хэргийн газраас сэмхэн зугтаж, эмнэлэг бараадахаа ч мартсангүй. Үүнийг түүнд ерөнхийлөгч Баттулга зөвлөсөн гэж хэлж чадахгүй. Гэхдээ л цагтаа Баттулга Монгол улсын ерөнхийлөгч Н.Багабандийн гадаад асуудал эрхэлсэн зөвлөх( хожим гадаад хэргийн сайд, өнөө УИХ-ын гишүүн) Цогтбаатарыг хамраас нь цус гартал цохиж, цагдаа нь дуудна гэхээр нь хамрынх нь цусыг хувцсандаа нааж, - Дууд дууд харилцан зодоон гэж хэлээд зогсож байсан гэдэг. Тэгвэл Олимпийн аварга, Женко-гийн тавиул Түвшинбаяр мөн л - Харилцан зодоон гэх арга саамыг хэрэглэх гэж буй юм биш биз дээ!!!
