МЬЯНМАРТ АМИА АЛДСАН ХҮНИЙ ТОО 570 БОЛЖ НЭМЭГДЖЭЭ

2021-04-06  

Мьянмарт цэргийн засаглалыг эсэргүүцэн жагсагчид болон хүчний байгууллагуудын ажилтнуудын хооронд болсон мөргөлдөөний үеэр амиа алдсан хүний тоо хоёрдугаар сарын 1-нээс хойш 570-д хүрчээ.

“Дөрөвдүгээр сарын 5-ны байдлаар төрийн эргэлтийн улмаас 570 хүн амиа алдаад байна” гэж Мьянмарын Улс төрийн хоригдлуудад тусламж үзүүлэх холбооны цахим хуудаст мэдээлжээ. Тус холбооноос мэдээлж буйгаар, 2728 хүн цагдан хоригдож байгаагаас 38 хүнд хорих ял оноож, дахин 443 жагсагчийг баривчлах тушаал гаргасан байна.

Мьянмарын цэргийн эрхтнүүд хоёрдугаар сарын 1-нд нэг жилийн хугацаатай онц байдал зарлаж, бүх эрх мэдлийг гартаа авсан билээ. Өнгөрсөн оны 11 дүгээр сард болсон парламентын сонгуулийн үеэр луйвар хийсэн тул ийм шийдвэр гаргасан гэж цэргийнхэн мэдэгдсэн юм. Мьянмарчууд цэргийн эргэлтийг эсэргүүцэн жагсаж эхэлсэн бөгөөд аюулаас хамгаалах хүчнийхэн жагсагчдын эсрэг хүч хэрэглэсээр байгаа юм.

 

Эх сурвалж: БАНГКОК. /TASS/
Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
Шинэ мэдээ
Санал асуулга
ХӨЛ ХОРИОГ ДАХИН 5 ХОНОГ СУНГАХ НЬ ЗӨВ ҮҮ?