Гандантэгчинлэн хийд хорио цээрийн дэглэмийг зөрчжээ. Тэд УОК, НОК -оос гаргасан журмыг мөрдсөнгүй өнгөрсөн хугацаанд лам нараа жил тойрон ажиллуулж байжээ. Гандантэгчинлэн хийдийн удирдлага УОК, НОК -той үгсэн хуйвалдаж, хууль журмыг уландаа гишгэсэн болохыг тус хийдийн лам нарын дотоод мэдээллийн групп илчиллээ. Тус дотоод мэдээллийн сүлжээнд тулгуурлавал Гандантэгчинлэн хийд үйл ажиллагаагаа огт зогсоогоогүй аж. Тиймээс энэ сарын 5-ны өдрийн байдлаар 38 лам нь коронавирустай болох нь тогтоогдож, хүчээр хаалгаа барьсан байна.
-Лам нар нэг дор хооллодог учир халдвар авахаас аргагүй. Лам нарынхаа коронавирусын халдвар авсныг сүсэгтэн олноос нууцалж байна гэж найдвартай эх сурвалж Control.mn-д мэдээлж өгөхийг хүслээ. Дотоод сүлжээнд үйл ажиллагаагаа хэрхэн эрхэлж байсан, хэдэн ламаас сөрөг шинж тэмдэг илэрснийг Та бүгд өөрсдөө уншиж тунгаана уу.