Латвийн Рига хотод зохиож буй Хоккейн ДАШТ-ий хагас шигшээ тоглолтын нэмэлт цагт Канадын багт 2:1-ээр хожигдсоноор Оросууд хасагдлаа.
ОХУ-ын баг "А" хэсгийг оноогоор тэргүүлж, "Б" хэсгийн "хомоол түүгч" Канадын багтай учраа таарсан нь "гай" авчирчээ. Хэсгийн сүүлчийн тоглолтонд Белоруссын багт бууж өгсөн бол Канадуудаас зугтах бүрэн боломж байсан гэж Оросын хэвлэлд дасгалжуулагчийг буруутгаж эхэллээ. Учир нь 2010 оноос хойшхи бүх ДАШТ-д Канадын багийг Оросууд нэг ч удаа хожиж үзээгүй аж. Энэ сэтгэл зүйн дарамтаа Оросын хоккейчид гэтэлж чадсангүй.
Оросын багийн хамт " А" хэсгээс шалгарсан Швейцарь, Словак, Чехийн багууд бүгдээрээ өрсөлдөгчдөө ялагдан ДАШТ-ээ өндөрлөлөө.
Хагас финалд АНУ- Канад, Герман- Финляндын хосууд тоглож, ялагчид нь аваргаа шалгаруулна.
Хэсгийн өмнөх тоглолтонд дээрхи багууд хоорондоо таарч, АНУ 5: 1 Канад, Финлянд 1:0 Германы багийг тус тус хожсон байна.
Э.ОТГОНЖАРГАЛ