Вакциндаа бүрэн хамрагдсан Их Британийн оршин суугчид 7 дугаар сарын 19-нөөс хойш аяллын шар жагсаалтад багтсан газруудаас эх орондоо эргэн ирж буй тохиолдолд тусгаарлалтад хамрагдах шаардлагагүй болжээ.
Ингэхдээ Эрүүл мэндийн газраас зөвшөөрөгдсөн вакцины хоёр тунг хийлгэснээс хойш 14 хоног өнгөрсөн тохиолдолд оршин суугчдыг вакцинд бүрэн хамрагдсан гэж тооцох юм.
Үүнээс гадна 18-аас доош насны иргэдэд энэ шийдвэр хүчинтэй байх юм. Тусгаарлалтаас чөлөөлөгдөж байгаа хэдий ч бүх хүн коронавирусний шинжилгээндээ хамрагдах ёстой аж.
Өөрчлөлтийг аялал жуулчлалын салбартаа тэргүүлэгчид “нааштай алхам” гэж хүлээж авч байгаа хэдий ч шар жагсаалтыг өргөтгөхийг эрх баригчдад уриалжээ.
Одоогоор вакцин хийлгэсэн эсэхээс үл хамааран шар болон улаан жагсаалтад багтсан орнуудаас ирж буй хүмүүст 10 хоногийн тусгаарлалтад хамрагдах журам хэрэгжиж байгаа юм.
Үүнтэй холбогдуулан Их Британийн Тээврийн сайд Грант Шэппс хэлэхдээ "Эрх баригчид АНУ, ЕХ-ны адил вакцинд хамрагдсан зорчигчдод олгох боломжийг нэмэгдүүлэхээр ажиллаж байна" гэжээ.
Эх сурвалж: ЛОНДОН. /BBC/
