АНУ дахь Латин Америк гаралтай эмэгтэйчүүд болон тэдний гэр бүлийн аль нэг гишүүний коронавирусээр халдварласны улмаас хүндээр өвчлөх эрсдэлийг бусад өнгөт арьст эмэгтэйчүүдийнхтэй харьцуулахад таван хувиар илүү байна гэж АНУ-ын “BeLatina News” сэтгүүлд гарсан нийтлэлд бичжээ.
Латин Америк гаралтай эмэгтэйчүүдийн 24 орчим хувь нь коронавирусний улмаас гэр бүлийн гишүүнээ алдсан болохыг Америкийн зах зээлийн судалгаа, шинжилгээний “The Harris Poll” компанийн хийсэн судалгаа харуулжээ. Мөн Латин Америк эмэгтэйчүүдийн ойролцоогоор 80 хувь нь цар тахлын үр дагаврыг амссан байна.
“Уг вирусийн нөлөө нь АНУ-ын нийгэмд хэдийнээ бий болсон тэгш бус байдлыг илчилж, өнгөт арьст иргэд эрүүл мэндийн үйлчилгээ авах боломж харьцангуй хомс байдгийг харуулж байна” гэж Америкийн Сэтгэл судлалын нийгэмлэгийн тайланд дурджээ.
Эх сурвалж: НЬЮ-ЙОРК. /Xinhua/
