Кубын эрх баригчид 12 дугаар сар гэхэд хүн амынхаа 90 хувийг дархлаажуулах зорилгодоо хүрэхийн тулд дотооддоо гарган авсан “Soberana-2” вакцинаар 2-18 насны хүүхдүүдийг вакцинжуулахаар төлөвлөж байна.
Өсвөр насны хүүхдүүдийг энэ долоо хоногоос вакцинжуулж эхлэх бол бага насны хүүхдүүдийг есдүгээр сарын дунд үеэс хамруулахаар төлөвлөжээ.
Куба улсын Финлигийн хүрээлэнгээс мэдээлснээр, хүүхдүүдийн дунд явуулсан туршилтын дүнд “Soberana-2” нь аюулгүй болох нь батлагдсан бөгөөд насанд хүрэгчдээс илүү хүчтэй дархлааны хариу урвал үүсгэсэн байна.
Одоогийн байдлаар Кубын 11.3 сая хүн амын тал орчим хувь нь “COVID-19”-ийн вакцины дор хаяж нэг тунг тариулсан бол 3.5 сая гаруй хүн хоёр тунг бүрэн хийлгэжээ.