Марокко улсад коронавирусний вакцинд бүрэн хамрагдсан хүмүүсийн тоо 16.1 саяд хүрлээ гэж тус улсын Эрүүл мэндийн яамнаас мэдээлжээ.
Одоогийн байдлаар тус улсад 19.6 сая гаруй хүн вакцины эхний тунг хийлгэсэн байна.
Мароккод сүүлийн 24 цагийн дотор халдварын 3930 тохиолдол шинээр бүртгэгдсэнээр халдварын нийт тоо 893462 болсон бол эдгэрсэн хүмүүсийн тоо 5459-өөр нэмэгдэж, нийт эдгэрсэн хүмүүсийн тоо 840002 болжээ.
Түүнчлэн халдварын улмаас нас барсан хүний тоо 72-оор нэмэгдэж, нийт нас баралтын тохиолдол 13296-д хүрчээ. Одоогийн байдлаар 2039 хүн эрчимт эмчилгээний тасагт хэвтэн эмчлүүлж байгаа талаар яамны мэдээлэлд дурдсан байна.
Марокко БНХАУ-аас “Sinopharm” компанийн “COVID-19”-ийн вакцины анхны нийлүүлэлтийг хүлээн авсан бөгөөд нийлүүлэлтийн хүрээнд энэ оны нэгдүгээр сарын 28-наас эхлэн орон даяар вакцинжуулалтын ажлыг эхлүүлсэн билээ.
Эх сурвалж: РАБАТ. /Xinhua/