БНСУ 2050 ОН ГЭХЭД ХУВАНЦАР ХОГ ХАЯГДЛАА ТЭГ БОЛГОЖ БУУРУУЛНА

өчигдөр  

 БНСУ 2030 он гэхэд хуванцар хог хаягдлаа 60 хувиар, 2050 он гэхэд 100 хувиар бууруулна гэж тус улсын Ерөнхийлөгч Мүн Жэ Ин ирэх бямба гарагт тэмдэглэх Эрэг орчмын цэвэрлэгээний олон улсын өдрийг тохиолдуулан мэдэгджээ.

“Хуванцар нь байгальд 450 орчим жил болж байж задардаг бол бичил хуванцрууд нь далайн амьтдад төдийгүй хүний ​​эрүүл мэндэд аюул учруулдаг. Далай тэнгисийг бохирдуулж буй хуванцар хаягдлын асуудлыг шийдвэрлэхийн тулд Өмнөд Солонгос олон улсын хамтын ажиллагаагаа бэхжүүлэх болно” гэж тэрбээр цохон тэмдэглэсэн байна.

“БНСУ 2030 он гэхэд ийм хог хаягдлын хэмжээг 60 хувиар бууруулах бол, зууны дунд гэхэд тэг болгоно" гэж Мүн Жэ Ин нэмж хэлжээ.

Дэлхийн улс орнууд Эрэг ормын цэвэрлэгээний өдрийг жил бүрийн есдүгээр сарын гурав дахь долоо хоногт зохион байгуулдаг уламжлалтай. Энэ өдрийн гол зорилго нь дэлхийн эрэг орчмыг цэвэрлэхийг хүмүүст уриалах явдал юм. Өмнөд Солонгос энэ кампанит ажилд 2001 оноос хойш оролцож байгаа ажээ.

 

Эх сурвалж: СӨҮЛ. /TASS/

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
БОКСЫН ХОЛБОО МУГТ Э.ЦЭНДБААТАРЫГ ШИГШЭЭ БАГААС ХӨӨХ НЬ ЗӨВ ҮҮ?