Энэхүү монгол гэрийг Францын нэрт гэрэл зурагчин, барималч, зураач Николас Анри өөрийн үзэсгэлэнгээ дэлгэх зорилгоор худалдан авч Парис хотын Захирагчийн ажлын албаны байрны өмнө барьжээ.
Зураач Никола Анри нь нэг сарын турш Парисын төвд үзэсгэлэнгээ толилуулаад дараа нь монгол гэртэйгээ зэргэлдээх хотуудаар аялах юм.
Түүний хүсэлтээр энэ гэрийг монголчууд хоёр талын хаалгатай барьж өгчээ.
"Yourte Tradnelnel Mongol" компанийн захирал Б.Вандандорж гадаадад ажиллаж амьдарч буй олон монгол залуусын нэг бөгөөд тэрээр бусад монголчуудтай хамтран монгол гэрийг уламжлалт аргаар барьдаг юм. Тэрээр 10 жилийн хугацаанд нийтдээ 1200 монгол гэрийг Европын орнуудад захиалгаар нийлүүлсэн байна.
Европт монгол гэрийг голдуу амрах, йог хийх, байгальд ойр амьдрахыг хүссэн хүмүүс худалдаж авдаг гэнэ.
Таван ханатай эсгий монгол гэр Европын холбооны улсуудад 3500 еврогоор зарагддаг.
Эх сурвалж: CentralAsia
