ЭНЭ САРДАА БАГТААН 1500 ТН АИ-92 БЕНЗИН АВАХААР БОЛЖЭЭ

2021-09-24  

 УУХҮЯ, мэргэжлийн холбоо, шатахуун импортлогч компанийн төлөөллүүд шатахууны хангамж, нийлүүлэлт, хамтын ажиллагааны талаар “Роснефть” компанийнхантай уулзаж байна.

Уулзалтаар шатахууны нийлүүлэлттэй холбоотой эерэг нааштай үр дүн гарч эхэлснийг "Петровис" компанийн цахим хуудаснаа нийтэлжээ. Тухайлбал, энэ сардаа багтаан 1500 тн Аи-92 бензин, 10 дугаар сард 44000 тн Аи-92 бензин, есдүгээр сард ачигдаагүй байсан 10000 тн Аи-92 бензин авахаар болсон байна. 

Манай улс ОХУ-тай газрын тосны бүтээгдэхүүний худалдаа, импортын чиглэлээр урт хугацаанд хамтран ажиллаж ирсэн бөгөөд шатахууны хангамж нийлүүлэлт, хамтын ажиллагааны талаар жил бүр уулзаж хэлэлцдэг. Энэ удаагийн уулзалтыг есдүгээр сарын 21-25-нд ОХУ-ын Москва хотноо зохион байгуулж байгаа юм.

Уулзалтад Уул уурхай, хүнд үйлдвэрийн яамны Газрын тосны бодлогын газрын дарга Б.Анхбаяр, Газрын тосны бүтээгдэхүүний хэлтсийн дарга Н.Энхцогт, Монголын газрын тосны бүтээгдэхүүн импортлогчдын мэргэжлийн холбоо, Монголын нефть хийн Үндэсний ассоциац, шатахуун импортлогч компанийн төлөөллүүд оролцож байна.

Эх сурвалж: МОНЦАМЭ

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
НӨХӨН СОНГУУЛИЙН ҮР ДҮНТЭЙ САНАЛ НИЙЛЖ БАЙНА УУ?