Пакситаны баруун өмнөд нутгийн Белучистан мужид 5.9 магнитудын хүчтэй газар хөдөлсний улмаас 20 хүн амиа алдаж, 40 гаруй хүн гэмтэж бэртсэн талаар тус улсын эрх баригчид өнөө өглөө мэдээлжээ.
Белучистан мужийн Байгалийн гамшгийн уршгийг арилгах газрын дарга Насир Насарын мэдээлснээр, газар хөдөлсний улмаас хэд хэдэн байшин барилга нурсан Харнай дүүрэгт хүмүүс амиа алдсан байна.
“Байгалийн гамшигт үзэгдэлд нэрвэгдсэн бүсүүдэд аврах багийнхныг шуурхай дайчлан аврах ажиллагаа эхлүүлээд байна. Барилгын нурангид хүмүүс дарагдсан бололтой байгаа тул амиа алдсан хүний тоо нэмэгдэж болзошгүй” гэж Н.Насар нэмж хэлжээ.
Пакистаны олон нийтийн хэвлэл мэдээллийн хэрэгслүүдийн мэдээлж буйгаар, амиа алдагсдын цогцос, гэмтэж бэртсэн хүмүүсийг ойролцоох эмнэлгүүдэд хүргэж байна. Эрх баригчид Белучистан мужийн байгалийн гамшиг нэрвэгдсэн дүүргүүдэд онцгой байдал тогтоожээ.
Эх сурвалж: ИСЛАМАБАД. /Xinhua/
