УИХ-ын 18, 28-р тойргийн нөхөн сонгуулийн ирц дөнгөж 34,29 , 39,04 хувьтай байлаа. Өөрөөр хэлбэл нөхөн сонгууль хүчингүй болжээ. Тиймээс энэ удаагийн нөхөн сонгуулийг дахин зохион байгуулж, нэмэлт саналт хураалт зохион байгуулна гэж Сонгуулийн Ерөнхий Хороо мэдэгдлээ.
Тодотговол: Сонгуулийн тухай хууль: 78 дугаар зүйл.Нэмэлт санал хураалт явуулах
-78.2: Сонгуулийн тойрогт хамаарах сонгогчдын нэрийн жагсаалтад бичигдсэн нийт сонгогчдын тавь буюу түүнээс дээш хувь нь санал хураалтад оролцоогүй бол тавин хувь нь оролцоогүй хэсэг тус бүрд нэмэлт санал хураалт явуулна.
-78.4.Нэмэлт санал хураалтад оролцсон сонгогчдын ирц, саналын тоог эхний санал хураалтад оролцсон сонгогчдын ирц, саналын тоо дээр нэмж тооцно.
-78.5: Нэмэлт санал хураалтад орсон нэр дэвшигчдээс хамгийн олон санал авсан, үлдсэн мандатын тоотой тэнцүү тооны нэр дэвшигчийг Улсын Их Хурлын гишүүнээр сонгогдсонд тооцно.
-78.6: Нэмэлт санал хураалт явуулах тухай шийдвэрийг Сонгуулийн ерөнхий хороо гаргах бөгөөд шийдвэр гарснаас хойш долоо хоногийн дотор зохион байгуулж явуулна.
-79.5: Нэмэлт болон дахин санал хураалтын хугацаанд сонгуулийн сурталчилгаа явуулахыг хориглоно. Гэсэн хуулийн заалтын дагуу дахин санал хураалт болно. Тиймээс өмнөх буюу нөхөн сонгуулийн сонгогчдын санал хүчин төгөлдөр байх нь. Түүн дээр дахин сонгуулиар өгөх саналын тоог нэмэх болох нь . Дахин сонгуулиар сонгогчдын ирц хүрэхггүй байсан ч, санал хүчинтэй болох хуулийг мөрдөнө. Тиймээс хамгийн олон санал авсан нэр дэвшигчид давуу эрх эдлэх болно.
Нэр дэвшигчдийн санал авсан байдлыг тоон дүнгээр илэрхийлбэл:
Нэг: Сонгинохайрхан дүүргээс нэр дэвшигчдийн тухайд:
-Э.Батшугар 3768
- Б.Найдалаа 1013
-Э.Бат-Үүл 916
-Ш.Гантулга 550
-А.Отгонбаатар 349
-Х.Бат-Ялалт 297
-Ц.Гантулга 241
-Л.Цог 32
-Ш.Төмөрсүх 13
-А.Батдорж 6
Хоёр: Хэнтий аймгийн нөхөн сонгууьлд нэр дэвшигчдийн тухайд:
-Ц.Идэрбат 3259
-Ц.Гарамгайбаатар 867
-М.Чингисхаан 163
-А.Бархүү 51
-Д.Чулуунбат 40
-Д.Баатаржав 40 тус тус санал авчээ.
Энэ дүнгээс, Сонгинохайрхан дүүрэгт Э.Батшугар-Б.Найдалаа, Хэнтийн аймагт Ц.Идэрбат- Ц.Гарамгайбаатар нар бусад нэр дэвшигчдээс илүү давуу эъърх эдлэх нь.
Өөрөөр хэлбэл МАН- АН- ХҮН намын нэр дэвшигчдийн хооронд дахин сонгуулийн тэмцэл өрнөх нь ойлгомжтой болжээ. Дахин сонгуулийн нэмэлт төсвийг баталсны дараа сонгууль үргэлжлэх учир тодорхой цаг хугацаа шаардана. Нөхөн сонгуульд нийтдээ 2,2 тэрбум төгрөг зарцуулсан байна.
Сонгуулийн дүнг ХҮН-ын дарга, УИХ-ын гишүүн Т.Доржханд: "Ялахын төлөө улайрдаг, ялах системээ өөрсдөдөө тохируулдаг тогтолцоог халах цаг нь болсон байна" гэж дүгнэлээ.
Ц.ЭНХБАТ
