Нүүрс зарж борлуулдаг төрийн компани ашиггүй ажиллажээ. Гэтэл банкнаас зээл авч, живх борлуулж буй хувийн компани ч алдагдалтай ажиллахыг тэвчдэггүй. Тэгвэл бэлэн нүүрс л борлуулах үүрэгтэй Таван Толгой Түлш компани байгуулагдсан 3 жилийн хугацаанд 370 тэрбум төгрөгийн санхүүжилтийг зөвхөн ганц Эрдэнэс Таван Толгой компаниас авсан болохыг Уул уурхайн сайд Ёндон ил болгон дэлгэлээ. Хотын иргэдийн хурлын гишүүнээр удирдуулсан Таван толгой түлш компани дампуурсан тул, өртэй нь Эрдэнэс Таван Толгой компанид шилжүүлж орхижээ. МАН-ын бага хурлын гишүүн, Нийслэлийн ИТХ-ын төлөөлөгч Ганбаатар тус байгууллагыг үр ашигтай ажиллуулах талаар чармайн ажиллаагүй болохыг Ёндон сайдын үйлдэл давхар илэрхийллээ. Ашигтай ажиллах эдийн засгийн тооцоо ч үгүй явж ирсэнд дүгнэлт хийж, бизнесийн зарчимд шилжүүлнэ гэж ам гарлаа.
Э.ОТГОО