Монгол улсад өнөөдрийн байдлаар 5 төрлийн виртуал хөрөнгийн үйлчилгээ үзүүлэгч нарын платформ ажиллаж, энэ платформ дээр 7 төрлийн койн арилжаалагдаж, .2021 оны эхний хагас жилийн байдлаар 2 их наяд төгрөгийн борлуулалт хийсэн дүн гарчээ. Биткойны талаар Монголын төр, "Иргэд өөрсдөө шийдвэр гаргаад энэ койныг авч буй. Эрсдэлээ өөрсдөө л үүрч хариуцах ёстой. Иргэд оруулсан мөнгөө алдвал биткойны компани ч, төр ч хариуцлага хүлээхгүй" гэдэг дээр биткойнчууд ч, Монголын төр ч санал нэгджээ. Тухайлбал, зээл авч, байраа барьцаалж биткойн авахыг зөвлөөгүй гэж Ард койны үүсгэн байгуулагч Ганхуяг удаа дараа мэдээлсэн. Одоогоор, дэлхийн 84 улс энэхүү виртуал хөрөнгийг албан ёсоор хуульчилсан. Хуульчлахдаа зохицуулалттай болгосон. Тэгвэл Монгол улсын төр энэ оны сүүлчээс л биткойнд анхаарал хандуулж, Монголд энэ төрлийн үйлчилгээ үзүүлэгч 5 компани, цаашид шинээр нэмэгдэх дээрх төрлийн үйлчилгээ эрхлэх байгууллагуудад тавих шаардлагыг маш тодорхой болгох, СЗХ бүртгэж хяналт тавихаар зэхэж байна.