-Улс төрийн намын тухай хуулийн нэмэлт, өөрчлөлтийн төслийг УИХ-аар хэлэлцэж байх үед юуны намын хурал бэ? Цаана чинь эрх баригч намд боломж олгосон хуулийн зохицуулалт хийгдэх гэж байна. Сонгуулийн ерөнхий хорооны есөн гишүүний 4 хүнийг дэвшүүлэх, дургүй хүргэсэн аль ч намыг татан буулгах эрхтэй болох нь. Ийм хуулийн төслийг өргөж байна. Үүнийгээ баталгаажуулж, шийдвэр гаргах эрх нь УИХ-д үнэмлэхүй олонхи болсон тэдэнд бий. Ардчилсан нам алдаа гаргалаа гэхэд түүнийг нь дөрөөлөөд л татан буулгах нөхцөл үүсэх нь . Ийм санааг шинэ хуулийн төсөлд тусгачихаад байна гэж АН-ын дарга асан С.Эрдэнэ АН-ын онц их хуралтай намын цаг хугацааг нь давхцуулан хийсэн хэлэлцүүлгийн үеэр онцоллоо. О.Цогтгэрэлийг намын даргаар баталгаажсаныг хүлээн зөвшөөрөхгүй гэж хэлээгүй ч, цаагуураа эсэргүүцлээ илэрхийллээ. Э.ОТГОО
