Булганчуудын мөрөөдөл биеллээ. Ирэх жил Булган аймагт "Айргийн өргөө" сүндэрлэх болжээ. Энэ тухайд: " - Айргийн өргөө" бол Булганчуудын олон жилийн хүсэл мөрөөдөл. Тус өргөөг барьснаар Булган аймагт дотоодын болон гадаадын жуулчдыг өргөнөөр татна. "Айргийн өргөө" бол Булган аймгийн аялал жуулчлалыг хөгжүүлэх, эдийн засгийн үр өгөөжийг дээшлүүлэх бодит боломж юм. Аймгийнхаа хөгжил цэцэглэлтийг Булган аймгийнхаа брэнд бүтээгдэхүүн айрагтай уяж, улсын төсвөөс авах санал хүргүүлснийг УИХ баталлаа. Зураг төсөл нь бэлэн болсон. Тендертэй холбоотой асуудлыг яаралтай зохион байгуулах ажил үлдлээ гэж тус аймгийн засаг дарга Б.Ариун-Эрдэнэ хэллээ.