МАХН-ын дарга Н.Энхбаяр намын 10 гаруй гишүүдийн хамт өлсгөлөн зарлаад 66 дахь цаг дээрээ өлсгөлөнгөө зогсоолоо.
Өнөөдөр 24 цагаар сонгуульд орох улс төрийн хүчнүүдээс нэр дэвшигчдийн нэрсийг сонгуулийн ерөнхий хороонд өргөн барих хуулийн хугацаа дуусна. Нэгэнт сонгуульд өрсөлдөх эрхээ авсан нэр дэвшигчид тус тусынхаа тойрогт сонгуулийн штабаа байгуулан сонгуулийн хуулийн дагуу өрсөлдөх нөхцөлөө бүрдүүлэн ажиллах хугацаа, хоног бага тул МАХН-ынхан шийдвэрээ гаргаж өлсгөлөнгөө зогсоож байгаа бололтой. Олон нийтийн зүгээс ч дөрвөн жилд ганцхан удаа олгогддог сонгох, сонгогдох эрхийг хуулийн дагуу бус өлсгөлөн тэмцлээр авч болохгүй гэсэн шүүмжлэл багагүй гарч шударга сонгуулийг хуулийн дагуу явуулж, төрийн эрхийг авах сонголтыг ард түмэн хийх ёстой гэсэн шүүмжлэлийг МАХН-ынхан хүлээн авч, өлсгөлөнгөө 66 дахь цаг дээр тунгаан дээрх шийдвэрийг гаргаж байгаа бололтой. Гэхдээ сонгуулийн ерөнхий хороо МАХН-ын бүх гишүүдэд нэр дэвших эрх олгох уу гэдэг асуулт үлдэж байна.
Ц.БАТТУЯА
