ЕРӨНХИЙЛӨГЧИЙГ УИХ-ААС СОНГОДОГ БЭЛТГЭЛИЙГ МАН " БАЗААЖ" БАЙНА
2021-12-08
Миний хувьд Үндсэн хуульд өөрчлөлт оруулах шаардлага байна уу гэж харж байгаа. 2019 онд хийсэн Үндсэн хуулийн нэмэлт, өөрчлөлтөөр сонгодог парламентын тогтолцоог бий болгоход шаардагддаг хамгийн чухал гурван заалтыг тусгаж чадаагүй.
Нэгдүгээрт- Ерөнхийлөгчийг
парламентаас сонгох, Сонгуулийн тогтолцоог өөрчлөх, УИХ-ын гишүүдийн тоо иргэдийнхээ төлөөллийг хангаж чадаж байна уу гэдэг гурван асуудал.
Мөн “Давхар дээл”-ний асуудал ч сөхөгдөнө.
Энэ өөрчлөлтийг Үндсэн хуульд тусгах нь ярвигтай. 2008 онд баталсан, Үндсэн хуульд өөрчлөлт оруулах журмын тухай хуулинд " Нэг хөндсөн
заалтыг найман жил хөндөхгүй" гэсэн хатуу заалт бий. Тиймээс дээрхи
Үндсэн хуулинд дээрхи өөрчлөлтийг шууд хийх боломжгүй. Дээр нь Үндсэн
хуулийн өөрчлөлтийг зөвшилцлийн зарчмаар шийдвэрлэдэг. Нэг нам дангаар хийх боломжгүй. Тиймээс энэ тухай асуудлыг МАН-ын Их Хурлаар хэлэлцэх нь зохимжгүй. Парламентад суудалтай болон парламентад суудалгүй улс төрийн нам хүчнүүд зөвшилцөж, нэгдэж байж хийх учиртай. Миний хэлж тодотгож буй өөрчлөлтийг хийх асуудлыг сүүлийн гурван парламент дамнан ярьж буй. Үндсэн хуулийн сүүлийн өөрчлөлтийг 2019 онд баталсан. Нам, улс төрийн хүчнүүд зөвшилцөлд хүрч чадвал л энэ асуудал сөхөгдөнө. Одоохондоо нэг намын зүгээс энэ талаар ярих нь цаг хугацааны хувьд эрт юм гэж МАН-ын бүлгийн дарга Их Хурлын үеэр сэтгүүлчдэд хэллээ.
Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү.
Хэм хэмжээг зөрчсөн сэтгэгдлийг админ устгах эрхтэй.
Сэтгэгдэлтэй холбоотой санал гомдлыг 77008912 утсаар хүлээн авна
