Ундны цэвэр ус бол амьдралын эх булаг. Нийслэлчүүд улирч одсон 2021 онд 1 литр ундны цэвэр усандаа 780 төгрөг төлж ирсэн. Тэгвэл 2022 оны нэгдүгээр сарын 01-ны өдрөөс эхлэн 1 литр ундны цэвэр усны үнэ 1150 төг , татвартайгаа 1275 төг болж өсөн нэмэгдсэн байна. Өөрөөр хэлбэл 500 төгрөгөөр буюу 60 хувиар нэмэгдлээ Энэ бол Засгийн газраас Монголын 3 сая иргэн, 500 мянган өрх бүрт барьж буй шинэ жилийн бэлэг буюу санхүүгийн шинэ дарамтын эхлэл байлаа. Өнгөрсөн жил жирийн иргэдэд тулгарсан хамгийн том санхүүгийн дарамтын нэг бол А-92 шатахууны үнэ 1400 төгрөгөөс 2220 төгрөг болтол өссөн явдал байлаа. Тэгвэл бензиний үнийн буухиаг ундны цэвэр усны үнээр залгууллаа. Иргэдэд ганц л зам үлдлээ. Тэр нь ундны цэвэр усаа гамнах юм.
Э. ОТГОНЖАРГАЛ