МОНГОЛЫН АНХНЫ ХОГ ХАЯГДЛЫГ ДАХИН АШИГЛАСАН ДЭЛГҮҮР

2022-01-11  

“Хүний эрүүл мэнд байгалиас, Байгалийн эрүүл мэнд хүнээс” гэсэн уриаг дэвшүүлэн ажиллаж байгаа Улаанбаатар хотын анхны эко дэлгүүр нээгджээ. Тэд одоогоор 30 гаруй байгууллага болон хувь хүнтэй хамтран ажиллаж, тэдний хийсэн бараа бүтээгдэхүүнийг дэлгүүртээ борлуулдаг. Тус дэлгүүрийн тавилга, чимэглэл 90% хог хаягдлыг сэргээн засварлаж, дахин ашиглаж хийсэн. Мөн гэртээ хүүхдээ хараад сууж байгаа ээжүүд, хөгжлийн бэрхшээлтэй иргэдийн хийсэн бүтээгдэхүүнийг худалдаалж, хүүхдүүд, эмэгтэйчүүдэд хог хаягдлыг дахин ашиглах талаар сургалт явуулдаг байна. Дэлгүүрийн үүсгэн байгуулагч Г.Гантулга хэлэхдээ “бид 4 жилийн брэнд Eco life Mongolia брэндийг үүсгэж, хэрэглэгчээ бэлдэхийн тулд хог хаягдлыг хэрхэн дахин ашиглах талаар олон төрлийн мэдээ, мэдээлэл бэлтгэж хэрэглэгчээ сургаж ирсэн” тухайгаа ярилаа.

  • Г.Гантулга, үүсгэн байгуулагч, Eco life Mongolia дэлгүүр

“Эко лайф Монголиа брэндээ үүсгээд бид 4 жил болж байна. Дэлгүүрээ нээгээд 4 сар болж байна. Манайх ковидын хүндсэн үед нээгдсэн. Дэлгүүрээ нээсэн хүнд цаг үед хил гааль хаагдсан болохоор бараа материал, барилгын материал өссөн үнэ маш их өссөн. Гэсэн ч бид энэ эрсдэлээс айхгүйгээр бизнес эрхлэгчид болон залуу үедээ уриалж, хоёрдогч түүхий эд буюу хог хаягдал ашиглан дэлгүүрээ байгуулж чадлаа. Өнөөдрийн байдлаар ингэж тохижуулсан дэлгүүр Монголдоо анхных гэж харж байгаа. Манайх шиг эко бүтээгдэхүүн зардаг дэлгүүрүүд байдаг хэдий ч бид орчин нөхцөлөө хоёрдогч түүхий эд ашигласан гэдгээрээ давуу талтай. Бид мөн дэлгүүрээс гадна, сургалтын үйл ажиллагаагаа гол болгодог. Ялангуяа хүүхдүүд рүү чиглэсэн үйл ажиллагааг маш их явуулж байна. Хэд хэдэн сургууль, цэцэрлэгтэй хамтран ажиллаж, багш нарыг нь хог хаягдлын менежментийн чиглэлээр сургаж байгаа.

  • Б.Намуун, үүсгэн байгуулагч, Eco life Mongolia дэлгүүр

“Бид ээжүүд болон хувь хүмүүсийг дэмжиж ажилладаг. Яагаад гэхээр хил хаагдсан энэ хүнд цаг үед бид илүү өөрсдийн ур чадвараа гаргаж, бие биенээ дэмжиж ажиллаж ёстой гэж харж байгаа. Жишээ нь Туул голийн эрэг дээр амьдардаг байсан гэр бүл хүүхдүүддээ хаягдал модоор тоглоом хийж өгсөн. Тэдний хийсэн тоглоом маш сонирхолтой байсан болохоор өнөөдөр брэнд бүтээгдэхүүн болчихсон байгаа. Тоглоход маш хөөрхөн, бас их чанартай харагдаж байгаа биз. Хэрэв  2 хүүхэдтэй бол үүнийг уралдуулж тоглож болно. Мөн бид хог хаягдлыг бууруулахаар хүүхдийн сокны шилийг дахин ашиглаад арьс арчилгааны бүтээгдэхүүн хийж зардаг. Мөн сонингийн цаасны хаягдлыг их ашигладаг. Бид хаягдлаа цуглуулах үедээ сошиал хуудсандаа зар оруулахаар өвөө нар ихэвчлэн уншсан сонингоо авч ирж өгдөг.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ЦАГААН САР ХИЙХ НЬ ЗӨВ ҮҮ?