2020-2021 онд хатуу хөл хорионы хугацаанд иргэд гэртээ ихэвчлэн байж, өдөрт дөрвөн удаа зуухаа галлаж байсан ч агаарын чанар харьцангуй цэвэр байсан. Тиймээс өөр бусад нөлөөллүүдийг судлах ёстой гэж БОАЖ-ын сайд Бат-Эрдэнэ үзжээ. Тэрбээр утааг бууруулах талаар яамныхандаа дараах чиглэлийг өгсөн байна. - Нам даралтын зуухыг бүгдийг нь цахилгаан, газан, хийн хэлбэрт шилжүүлэх - Авто машинаас ялгарч байгаа утааны асуудалд шийдэл олох - Орчны бохирдолтой холбоотой асуудлыг шийдвэрлэхээр ажлын хэсэг бүрдүүлэн ажиллах чиглэлийг өглөө гэж БОАЖ-наас мэдээллээ. Түүний зэрэгцээ Монгол Улсад 1.2 сая авто машин байгаагаас 625 мянга нь Улаанбаатар хотын хөдөлгөөнд оролцож буй аж. Түүний 500 орчим мянга нь дулаан грашгүй гадаа хонож, өглөө болгон асаж байгаа нь агаар орчинд нөлөөлж байна гэсэн дүгнэлтийг судлаачид гаргасан байна. Үүнийг ч сайдын зүгээс анхаарах болжээ. Харин яаж анхаарах гэж буй нь одоохондоо тодорхой бус юм байна. Э. ОТГОНЖАРГАЛ