Улаанбаатарчууд нийтээрээ утаа, замын түгжрэлд бухимдаж байна. Нэг түлшийг нөгөөгөөр сольсноор утаа богино хугацаандаа багасч болох ч , урт хугацааны шийдэл биш. Өөрөөр хэлбэл, утааг бодитоор бууруулахын тулд орон сууцжуулахаас өөр арга байхгүй. Хямд хүртээмжтэй орон сууцжуулж чадвал зөвхөн утаа биш хөрсний бохирдлыг давхар шийдвэрлэнэ. Дээр нь иргэдийн амьдралын чанар дээшилнэ. Иргэдийн эрүүл аюулгүй орчин бол амьдралын нэг баталгаа шүү дээ. 2013 онд Улаанбаатарт 350 мянган иргэн гэр хороололд амьдарч байсан. Харин тухайн жил ипотекийн зээлийн тогтолцоо үүссэнээс хойшхи 8-9 жилд 100 мянган иргэн буюу гуравны нэг орчим нь банкны найм болон зургаан хувийн хүүтэй зээлээр орон сууцанд орсон статистик бий. Үүнээс харахад гэр хорооллын иргэдийг богино хугацаанд орон сууцжуулах бүрэн боломж байна. Тиймээс гэр хорооллын дахин төлөвлөлтийг эрчимжүүлэх нь зүйтэй. Мөн санхүүгийн чэдамжтай айл өрхийг хаус хотхонд амьдрах боломжоор хангахыг ч орхигдуулж болохгүй. Төрөөс гэр хорооллын дэд бүтцийг шийдэж, цэвэр ус, халаалтын хоолойг татаж өгөх ёстой. Орон сууцжуулах хөтөлбөр нь нийгмийн шинж чанартай учраас төр ашиг харах ёсгүй. Үүнд зориулсан хөрөнгийг гаргах учиртай. Эх сурвалж:
Эх сурвалж: ЗУУНЫ МЭДЭЭ сонин
