Отгонбаатарын "Үнэн ба зөв" намыг ярихаар ард нь Ш.Сайхансамбуу "сүүдэртдэг" байлаа. Отгонбаатар яаж ч үгүйсгэсэн УИХ-ын сонгуулиар үнэн нь бултайсан. "Үнэн ба зөв" намаас Отгонбаатар Өвөрхангай аймагт, Ш.Сайхансамбуу Завхан аймагт нэр дэвшсэн. Аль аль нь УИХ-д суудалтай болно гэж найдаж байсан нь талаар болсныг монголчууд мэднэ. Тэгвэл Сайхансамбуу 2024 оны УИХ-ын сонгуульд Отгонбаатарын намаас нэр дэвшихээ татгалзлаа. Тэрбээр өөрийн "Ардын намын чуулган" улс төрийн намын анхдугаар их хурлаа хийж, өөрөө даргаар нь сонгогдсон байна. Хурлынхаа материалыг Дээд шүүхэд өгсөн боловч, зөрчилтэй гэдэг шалтгаанаар Ш.Сайхансамбуугийн намыг бүртгэхээс татгалзсан байна. Харин "Үнэн ба зөв" намтай нэг эвсэл болон УИХ-ын сонгуульд оролцсон ШИНЭ намын даргаар Ц.Гантулга сонгогдсоныг Дээд шүүх бүртгэсэн байна.
Б.ПҮРЭВДОРЖ
