Согтууруулах ундаа худалдах үйлчилгээ, үл ажиллагааг хориглоод амжилт олсон улс орны жишээ гэж байхгүй. Харин соён гэгээрүүлэх, зөв зохистой хэрэглээг уриалах дэмжих, сурталчлах арга замаар л архидан согтуурахтай тэмцдэг. Архи согтууруулах ундаагаар үйлчлэхийг хориглосон шийдвэр нь цаад утгаараа дамын наймаа, хууль бус үйл ажиллагааг өөгшүүлдэг, ахуйн архидалт, хяналтгүй нөхцөл байдал руу түлхдэг. Тиймээс архи худалдаалах дэлгүүр, ая тухтай ресторан, баар зэрэг газруудын ажиллах цагийн хуваарийг шинэчлэн тогтоосон гэж Нийслэлийн Засаг даргын Захиргаа, хууль эрх зүйн асуудал хариуцсан ахлах зөвлөх Д.Мөнх-Эрдэнэ тодотголоо. Ийнхүү сар бүрийн эхний өдөр архи худалдаалахыг хориглосон заалт хүчингүй боллоо.
