НАТО бол хүйтэн дайны үр дагавар. Хүйтэн дайн аль эрт дууссан. Тиймээс НАТО нь нөхцөл байдлыг дүгнэж цэгнэх ёстой. НАТО зүүн европын орнуудыг өөртөө нэгтгэсээр байгаад ч дүгнэлт хийж үзэх цаг болсон. Европын аль ч орны бүрэн эрх, тусгаар тогтнол, нутаг дэвсгэрийн бүрэн бүтэн байдлыг хүндэтгэж, хамгаалах нь зүй ёсны хэрэг. НҮБ-ын олон улсын харилцааны дүрмийн үндсэн зарчмыг Хятад улс ч тууштай баримтлана. Украины асуудал дээр ч гэсэн ийм байр суурийг Хятад улс ялгаагүй баримтлах болно гэж Германы Мюнхен хотод 2021 оны хоёрдугаар сарын 19-ны өдөр зохиосон Аюулгүй байдлын 58-р бага хуралд видео хэлбэрээр оролцон үг хэлэхдээ БНХАУ-ын ГХЯ-ны сайд Ван И онцоллоо. Өөрөөр хэлбэл Хятад улс Орос, Украйны аль нэг талыг баримтлахгүй гэдгээ илэрхийллээ.
