Орос-Украйны дайныг өдөөгч далд эзэн бий. Тэр бол АНУ. Украйныг турхирагч, Оросын эсрэг үзлийг дэвэргэгчид бол америкчууд. АНУ бол Украйн , Балтикийн орнуудад НАТО-гийн цэрэг зэвсгийг байршуулсан. Яг үнэндээ, Оросууд АНУ-ын хил дагуу цэргүүдээ огт байрлуулаагүй. Ийм ажлыг аль 2014 оноос хойш АНУ эрчимтэй хийсэн. Санаа нь Орос улсыг гаднаас нь ч, дотроос нь ч бутаргах, сарниулах, тусгаар тогтнолыг нь алдагдуулах нэг л зорилго агуулсаар ирсэн. Орос бол Польш, Украйн биш. Тэр тусмаа Ирак, Сири биш. Бид Орос орон, Оросын ард түмнээ хамгаалах бүрэн чадвартай. Шаардлагатай бол хэнтэй ч, хаана ч тулалдана. Одоо бол 2014 он биш. 2014 онд АНУ-ын захиалгаар Януковичийг хөөн зайлуулж, Оросын эсрэг үзэл баримтлалтай хүмүүсийг Украйны толгойд гаргаж ирцгээсэн. Түүнийхээ горыг одоо Украйны ард иргэд амсаж байна. 2014 онд Орос улсын цэрэг зэвсэг олон талаар НАТО-гоос дутуу байсныг бид нөхөж, зарим талаар илүү гарсан. Тиймээс бид одоо хэнээс ч айхгүй. Бидэнд харин бүү саад бол хэл зөвлөе. Саад болсон улс орон бүр асар их хохирол амсана гэдгийг дахин сануулья. Шаардлага гарвал манай цэрэг хаана ч хүрнэ. Манай пуужин Европ тивийн аль ч өнцөгт хүрнэ. Бид ердөө л нэг зүйлийг хүсэж буй. Энэ бол Минскийн гэрээг л дагаж мөрдөхийг. Миний чадалтай, Зеленскийн сул дорой байдал үүнд хамаарахгүй. Зеленскийн дуртай, дургүй гэдэг нь бүр падгүй. Тэд гэрээгээ дагах ёстой гэж Путин эрс шийдэмгий хэллээ. Харин Тв-ийн олон ангит кинонд ерөнхийлөгчийн дүрд тоглосны хүчинд Украйны ерөнхийлөгчөөр сонгогдсон Зеленский:- Бид Оросын нэг хэсэг биш гэснээс өөр олигтой хариулт өгч чадсангүй.
Ц.ЭНХБАТ
