Оросын өөдөөс өндөлзөхгүй болтол нь Украйны армийг сөнөөнө. Украйныг армигүй болгоно гэж хэлсэндээ Путин хүрч байна. Тэд Украйны хилийг 3 талаас нь цөмөлсөн. Одоогоор Украйны цэрэг зэвсгийн 74 байршлыг устгаснаас цэргийн зориулалтын 13 нисэх буудал, харуул хяналт, удирдлагын 3 цэг, Усан цэргийн 1 флот, пуужин харвах 16 удирдлагын төвийг сөнөөж, жагсаалаас гаргажээ. Украйны гол гол хотууд галын дөлд автсан. - Би яах ёстойгоо мэдэхгүй байна. Амь насаа хамгаалахын тулд орон сууцаа орхин, хөнжил дэвсгэрээ авч Метронд амь хоргодохоор явж байна гэж тэтгэврийн насны Светлана ВВС-д ярилцлага өгсөн байна. - Би эх орны дуудлагыг хүлээж байна. Эх орноо хамгаална. Өөр зам үлдээгүй гэж 27 настай, худалдаачин Марк хэлснийг ВВС дамжууллаа. Харин Зеленский - Бид өөрийн хүчээр нутаг дэвсгэрээ хамгаална. Хэзээ ч Оросуудад бууж өгөхгүй. Бидэнд хангалттай зэвсэг бий. Зэвсэглэхийг хүссэн хэн бүхэнд буу, сумыг олгоно гэж Путины бууж өг гэсний хариуг барьсан байна.
Э.ОТГОО