Ингэж украйн ээжтэй, югослав аавтай, Голливудын од Милла Жовович постоллоо. Би Украйнд төрсөн. Төрсөн нутагт минь өрнөж буй эмгэнэлт үйл явдлыг телевизээр хараад элэг эмтэрч, зүрх зүсэгдлээ. Нутаг нэгтнүүдийг минь эх нутаг дээр нь бөмбөгдөж байна. Миний хамаатан садан, найз нөхөд, танил хүмүүс амиа аврахын тулд нуугдаж байна. Улс орон минь галын дөлд автаж, энгийн иргэд амь насаа алдаж, үй олноороо дүрвэхийг хараад өмнөх шарх сэдэрлээ. Аавын минь төрсөн нутаг Югослав дахь дайн, миний гэр бүлд тохиолдсон шарх, аймшигт явдлын түүхийг эргэн саналаа. Дайн. Энх тайвныг тогтоож чадахгүй муу удирдагчдын төлөөсийг ард түмэн нь цусаа урсгаж, нулимсаа дуслуулан төлдөг. Ийм л юм болж байна гэж Милла үргэлжлүүлэн харуусан бичжээ.
Б.ПҮРЭВДОРЖ
