Өнөөдрөөс эхлэн Монгол Улсын хилээр нэвтрэх иргэдээс иргэдээс коронавирусны PCR болон түргэвчилсэн тестийн хариу шаардахгүй.
Гадаадын жуулчин манай улсад ирсний дараа нэмэлт шинжилгээ авч, ямар нэгэн хорио тусгаарлалтад оруулахгүй, хөдөө орон нутагт зорчиход нэмэлт шаардлага тавихгүйг БОАЖЯ мэдээллээ. Мөн бүх хүн вакцинд үнэ төлбөргүй хамрагдах боломжтой.
МИАТ ТӨХК бүх зорчигч, үйлчлүүлэгчээс амны хаалт зүүхийг шаардаж, зорчигчдыг зөвхөн суудлын дугаараар суулган, зайлшгүй тохилдолд өөр суудалд шилжүүлж байгаа. Нислэгийн тийз борлуулалт, зорчигч үйлчилгээ, агаарын хөлгийн бүхээг зэрэг үйлчилгээний танхим, тасалгаанд гар ариутгах бодис байрлуулан, 4 цаг тутамд ариутгал, 1 цаг тутамд агааржуулж цэвэрлэж байна. Мөн нислэг бүрийн дараа агаарын хөлгүүдэд Олон улсын агаарын тээврийн холбооны (IATA) зөвлөмж, "Боинг" компанийн зааврын дагуу ариутган халваргүйжүүлдэг аж.
Эх сурвалж: МОНЦАМЭ
