Хөгжлийн банкны асуудлаархи хяналтын сонсгол эхэллээ. Заал дүүрэн хүмүүс ирсэн ч гол тоглогчид болох хариуцлага үүрэх, шийдвэр гаргагчид нь үзэгдсэнгүй. Эрх баригч намын дарга, ерөнхий сайд Л.Оюун-Эрдэнэ, тус намын ерөнхий нарийн бичгийн дарга Д.Амарбаясгалан болон АТГ, ЦЕГ- ын дарга нар, Ерөнхий прокурор, Монгол банкны ерөнхийлөгч, Хөгжлийн банкны ТУЗ нар өөрийн биеэр оролцсонгүй. Мөн тус банкны Зээлийн газрын захирал асан Г.Дөлгөөн, Я.Сод-Эрдэнэ болон Ж.Эрдэнэбат тэргүүтэй үе үеийн Ерөнхий сайд, Сангийн сайд нар, хамгийн том зээлдэгч Х.Баттулга, Худалдаа хөгжлийн банкны Д.Эрдэнэбилэг, Фортуна Н.Батбаяр нарыг ирүүлж чадсангүй. Ийм сонсголоос нааштай ямар шийдвэр гарна гэж хүлээх вэ? Шоу болоод дуусах бий гэж анхааруулсан Доржхандын үг биелэхэд ойртжээ.
