Өмнөд Африкийн зүүн хэсгийн Квазулу-Натал мужид өнгөрсөн долоо хоногт үер болсны улмаас 443 хүн амиа алдаж, 63 хүн сурагггүй алга болж, эдийн засгийн хохирол ойролцоогоор 380 сая ам.долларт хүрсэн байна.
Натал мужийн захирагч Зикарара хэвлэлийн бага хурлын үеэр хэлэхдээ, “17-ны өдрийн урьдчилсан мэдээгээр үерийн улмаас 8329 барилга сүйдэж, 3937 байшин нурж, нийтдээ 13556 айл өрх хохирол амсаад байна. Түүнээс гадна 551 сургуулийн барилга сүйдсэнээс 98 нь ашиглах боломжгүй болсон” гэжээ.
Мөн зарим эмнэлгийн үйл ажиллагаанд нөлөөлж, үерт автсан ихэнх газруудад цахилгаан тасалдаж, зарим газруудад ундны усны хангамжийн хомсдол үүсээд байгаа аж.
Зургаан өдөр дараалан орсон усархаг борооны улмаас үер болж, олон зам, дэд бүтэц усанд автжээ.
Засгийн газрын зүгээс тус мужид онц байдал зарлан, сүүлийн хэдэн өдрийн турш гамшигт нэрвэгдсэн иргэдийг аврахаар ажиллаж байна.
Эх сурвалж: КЕЙПТАУН. /Sputnik/.
