Хууль зүйн байнгын хорооны хуралдаанаар Төрийн хэмнэлтийн тухай хуулийн төслийг хэлэлцэв. Хэлэлцэж буй асуудалтай холбогдуулан Ц.Сандаг-Очир гишүүн санал гаргажээ.
Тэрбээр "Төрийн хэмнэлтийн тухай хуульд нэг заалт нэмэх саналтай байна. Олимп, дэлхийн аваргаас медаль хүртсэн тамирчдад сар бүр урамшуулал олгож байгаа.
Үүнийг хэмнэлтийн хуульд нийцүүлж хязгаарлах ёстой гэж үзэж байна. Амжилт гаргасан үед нь нэг удаагийн урамшуулал байж болох юм. Сар бүр насан туршид нь урамшуулал олгодгийг зогсооё. Ийм санал нэмэхийг гишүүд маань дэмжиж өгөөч" гэжээ.
