Сүүлийн 30 жил Монголын бурхны шашинд салхи оруулалгүй " хаан суусан" Монголын шашины төв хийд Гандантэгчинлэн хийдийн хамба лам Д.Чойжамцыг суудлаас түлхэн унагаах үйл ажиллагаа үргэлжилсээр аж. Хамба лам Чойжамцын үед Монголын бурхны шашин Христ, Лал зэрэг шашины урсгалд шахагдаж, байр сууриа алдаж, дөнгөж 30 гаруй хувийг эзлэх болсонд түүнийг бурхны шашины зүтгэлтнүүд буруутгах болсон. Хамба лам Чойжамц яг л АН-ын дарга С.Эрдэнэ шиг тамга тэмдэгтэйгээ зууралдсаар байна. Тэр өөрөө сэнтийнээсээ сайн дураараа буух , ээлжит хурлаа хийж, дараачийн үедээ халаагүй өгөх хүсэлгүй хэвээр аж. Тиймээс сүсэгтэн олны санал асуулга гэх зүйлийг Гандангийн Лувсанжамц гавж эхлүүлжээ.
- Огцруулах нь зөв үү?
- Үргэлжлүүлэх үү?
- Түдгэлзэж байна уу? гэсэн асуулттай юм билээ. Хамба огцрох эсэх нь энэ санал асуулгын дүнгээс хамаарах бололтой юм билээ гэж Шинэ хүрээ хийдийн тэргүүн хамба Д.Санждорж хэвлэлийн бага хурлын үеэр мэдээллээ.
Б.Пүрэвдорж