ИРГЭДИЙН ДУНД ГЕПАТИТЫН В ВИРУС ЭЛБЭГ БАЙНА

2022-05-17  
Элэгний хавдраас урьдчилан сэргийлэх “Гепатитгүй монгол” төсөл Сүхбаатар аймагт хэрэгжиж байна. Энэ хүрээнд 5 дугаар сарын 9-нөөс ХӨСҮТ-ийн лабораторийн баг иргэдэд шинжилгээг хийж эхэлсэн бөгөөд 856 цусны сорьж цуглуулж, 650 орчимд нь шинжилгээ хийжээ. Ингэхэд 9,5 хувьд гепатитын В вирус, 5,5 хувьд С вирусын халдвар илэрчээ.

Ажлын хэсгийнхэн С вирусыг голлон илрүүлэхээр ажиллаж байгаа ч В вирус иргэдийн дунд их байна. Энэ вирус нь гепатитын Д вирустэй хавсрах тохиолдол элбэг байдаг учраас Д вирусын халдвар илрүүлэх шинжилгээг захиалж авчруулж, дахин шинжилгээ авч эхэлсэн. Шинжилгээний хариу ийн эерэг гарсан иргэдэд биечлэн зөвлөгөө өгч, дараагийн шатны үзлэг шинжилгээнд хэрхэн хамрагдах талаар мэдээллийг өгч байна. Мөн вирусын халдвартай иргэдэд 5 дугаар сарын 17-ноос Улаанбаатар хотоос ирсэн нарийн мэргэжлийн эмч нарын хамтарсан багийн үзлэг эхэлнэ гэж төслийг хамтран хэрэгжүүлэгч Fire ТББ-ын хөтөлбөр хариуцсан захирал М.Мөнхнасан хэллээ.

Нарийн мэргэжлийн эмч нарын багт Улсын нэгдүгээр төв эмнэлэг, Хавдар судлалын төв, Японы Сагагийн их сургуулийн мэргжилтэн багтсан байна. Тэд элэгний хатуурлын зэрэг тодорхойлох төхөөрөмжийг ашиглан нарийн үзлэг оношлогоог хийх аж.

Сүхбаатар аймгийн иргэдийн дунд тэргүүлэх таван өвчлөлийн нэгд хавдар ордог. Үн дотроо элэгний хавдар хамгийн элбэг байдаг. Тиймээс аймаг орон нутгийн зүгээсэнэ төрлийн өвчлөлийг илрүүэх үзлэг оношлогоог мэргэжлийн олон байгууллагуудтай хамтран зохион байгуулдаг хэдий ч иргэдийн идэвх сул байгааг хэлж байна.

Дээрх төслийг аймгийн ЗДТГ, ЭМГ, Fire ТББ-тай хамтран хэрэгжүүлж байна.

Эх сурвалж: Монцамэ

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ХАНШИЙН ЗӨРҮҮ ТАНД ХЭР ЗЭРЭГ ДАРАМТ БОЛЖ БАЙНА ВЭ?