Сагсан бөмбөгийн "Speed" Академиас зохион байгуулсан 3 x 3 -ийн тэмцээнд Вашингтон ДС, Мэриланд, Виржиниа муж орчимд амьдардаг 70 орчим монгол хүүхдүүд ур чадвар, авхаалж самбаагаа сорин өрсөлдсөн тухай АНУ -д ажиллаж, амьдарч буй Майцэцэг мэдээллээ. Хүүхдийн баярыг тохиолдуулан 8-10, 11-13, 14-16 гэсэн гурван насны ангилалаар зохион байгуулсан тус тэмцээнд хөвгүүдийн 13, охидын 7 багийн нийт 20 багийн тамирчин хүүхэд аваргын төлөө өрсөлдсөн байна. Хөвгүүдийн 14-16 насны ангилалд “Queen Gamblet”, охидын “Ice-Cream”, хөвгүүдийн 11-13 насны ангилалд “Navy Def”, охидын “Under dogs”, хөвгүүдийн 8-10 насны ангилалд “Speed 1”, охидын “Yellow ” багууд тус тус түрүүлж, аваргын алтан медалийн эзэд болжээ. Зохион байгуулагчдын зүгээс тэмцээнд, оролцсон, дэмжихээр ирсэн бүх хүүхдэд гарын бэлэг гардуулж, нэг ч хүүхдийг орхигдуулалгүйгээр баярлуулжээ. Тус тэмцээнийг амжилттай болоход ивээн тэтгэгч байгууллагууд, хүүхдүүдийн эцэг эх, эмээ өвөө нар нь дэмжлэг, оролцоо чухал нэмэр боллоо гэж сагсан бөмбөгийн "Speed" Академийн зохион байгуулагчид талархлаа.
Э.Отгонжаргал