БНАСАУ-ын удирдагч Ким Жөн Ун Их Британийн хатан хаан II Элизаветад албан ёсны төрсөн өдрийг нь тохиолдуулан баярын цахилгаан илгээсэн талаар БНАСАУ-ын Гадаад хэргийн яам пүрэв гарагт мэдээлжээ.
Ким Жөн Ун хатан хааны албан ёсны төрсөн өдрийн баярыг угтан Их Британи, Их Британийн ард түмэнд баярын цахилгаан илгээсэн гэж тус яамны мэдэгдэлд цохон тэмдэглэсэн байна.
Хатан хаан II Элизавета хаан сэнтийд заларсны 70 жилийн ой болон түүний албан ёсны төрсөн өдрийг тохиолдуулан тэмдэглэх дөрвөн өдрийн баяр эхэлсэн өдөр Гадаад хэргийн яам энэхүү мэдэгдлийг хийжээ.
БНАСАУ, Их Британи 2000 онд дипломат харилцаа тогтоосон бөгөөд Пёньян, Лондон хотноо тус тусын Элчин сайдын яамд нь үйл ажиллагаагаа явуулдаг. Албан ёсны төрсөн өдөр гэдэг нь Их Британийн хаан, хатны жинхэнэ төрсөн өдрөөс гадна албан ёсоор зургаадугаар сард тэмдэглэдэг баяр ажээ.
Эх сурвалж: ПЁНЬЯН. /Yonhap/, Монцамэ
