Путин бол Оросын өнөө цагийн ХААН болсон. Тэр Орос орныг бүхэлд нь ганцаараа удирдаж буй. Түүнгүйгээр Орос улсад ямар ч асуудлыг шийдэхээ больсон. Өөрийн бодолтой, үзэлтэй сэхээтнүүд Москвад амьдрах нөхцөл, амьсгалах агааргүй болсон учраас ерөнхийлөгч Путины тогтвортой хөгжлийн асуудал хариуцсан зөвлөхөөр ажиллаж байсан Чубайсаас өгсүүлээд нэр нөлөө бүхий олон эрхмүүд Путиныг орхисон. Тэд ажлаа өгөөд зогсохгүй эх орноосоо ч гарсан. Дайн эхлэхтэй хамт Пугачёва нөхөр Галкины хамт үр хүүхдээ дагуулан Израйлийг зорьсон. Пугачёвагийн экс нөхөр Киркоров ч мөн Оросыг орхисон. Оросын сөрөг хүчний "Яблоко" намыг үндэслэгч Григорий Явлинский ч мөн Оросыг орхиж, Лондонг зорьсон. Оросоос Европын Холбоо тэр чигтээ " зайгаа барьсан" бол Оросын томоохон лидерүүд ч Путиныг ар араасаа орхисоор байх нь үргэлжилсээр.. Тэд болж өгвөл гэр бүлээ авч явахыг хичээж байна. Учир нь Путин хэзээ ч тэдний үр хүүхдийг Украны эсрэг өдөөсөн дайндаа татахыг тааж мэдэшгүй. Орос эхчүүдийн сэтгэлийг зовоож буй зүйл бол Украйн биш, Донбасс биш, ердөө л төрүүлсэн үр хүүхдээ дайны хохирогч болгохыг л хүсэхгүй байна гэж Дождь.ру мэдээллээ.
-Улан-Үдэд бараа элбэг байна. Үнэ нь бага зэрэг өсөж. Дайны үнэр ч алга. Гэхдээ л Буриадууд аль болох Монгол руу явахыг мөрөөдөж байна. Эхчүүд нь нэг л зүйлд шаналж түгшиж байна. Хүүг нь хэзээ дайнд дуудаж, дайчлах бол түгшиж байна лээ гэж Улан -Үдэд зохиогдсон Ширээний теннисний тэмцээнд оролцсон сонирхогч Цэндсүрэн Control.mn -д хэллээ.
Тоймч Ц.Энхбат
