"Хан-уул" дүүргийн шүүхэд эхэлсэн Түвшинбаярт холбогдох шүүх хуралд Монгол улсын ерөнхий сайд Оюун-Эрдэнийн хэвлэлийн албаны дарга Т.Ганзулыг гэрчээр дуудсан байна. Тухайн үедээ Монголын телевизүүдийн Холбооны даргаар сонгогдон ажиллаж байсан Т.Ганзул өнөөдрийг хүртэл нэг л тайлбарыг хэлж буй. Токио-2020 олимпийг дамжуулахад шаардагдах санхүүжилтийг хөөцөлдөж явсан гэдгээ тоть шиг давтаж буй. Тэрбээр Түвшинбаяр, Энхбат нартай хамгийн сүүлд хамт байсан эмэгтэйчүүдийн нэг.
- Би ухаанаа алдсан байсан. Нэг сэрээд хартал улсын начин Энхбат, Т.Ганзул нар нэг шил виски шинээр задалж байсан. Түүнээс хойшхийг санахгүй байна гэж Түвшинбаяр өмнө нь хэлсэн тухай хэвлэлээр цацагдсан. Тэгвэл энэ бүхний зангилааг тайлах шүүх хурал эхэллээ. Ганзулаас гадна телевизийн өөр нэг залуухан дарга бүсгүй байсан гэсэн мэдээлэл ч цухалзаж буй. Ямар ч гэсэн хүчирхэг бие хаатай эрчүүд, турьхан бүсгүйчүүд, архи дарс..цааш нь зодоон... үхэл хагацал бүхнийг тодруулах хурал үргэлжилж байна.