Хүүхдийн тасагт амьсгалын замын цочмог халдварт өвчнөөр 100 гаруй хүүхэд хэвтэн эмчлүүлж байна. Дорнод аймгийн хэмжээнд томуу, томуу төст өвчний дэгдэлт алаг цоог түвшин, амбулаторийн нийт үзлэгт томуугийн хувь хэмжээ багассан хэдий ч тогтмол бууралт ажигдахгүй, эмнэлэгт хэвтэлт өсөж байгааг мэргэжлийн эмч анхаарууллаа. Тодруулбал, тэгээс 14 насны хүүхдийн дунд өвчлөл өндөр, тэр дундаа 0-11 сар, хоёроос дөрвөн настай хүүхэд, таваас есөн настай хүүхдүүдийн дундах өвчлөл өмнөх долоо хоногоос огцом өсчээ.
Хүүхдийн эмнэлэг үндсэн 36 ортой. Нэмэлтээр 70 гаруй ор дэлгэж өвчтөнүүдээ хэвтүүлээд байна. Эргэлтэд томуу, томуу төст өвчний вирус буюу амьсгалын замын синтициал, риновирус, адиновирус, коронавирус зэрэг долоогоос найман төрлийн вирус байгаа нь нэг хүн хэд хэдэн төрлийн вирусээр өвчлөх магадлалтайг харуулж байна гэж мэргэжлийн эмч хэллээ. Тиймээс гараа угаах, амны хаалт зүүх, олон хүн бөөгнөрсөн газраар зорчихгүй байх, зай барих дэглэмээ эргэж мөрдөхийг зөвлөж байна.
Эх сурвалж: Монцамэ
